कोल्हापूर : काँग्रेसचे खासदार राहुल गांधी यांनी स्वातंत्र्यवीर सावरकर यांच्या बद्दल अपशब्द काढल्याचा निषेधार्थ आज कोल्हापुरात भाजपच्या वतीने राहुल गांधी यांच्याविरोधात तीव्र निदर्शने करण्यात आली.
पहा Live : राहुल गांधींचे बोल काँग्रेसला बरखास्त करेल, कोल्हापुरात भाजपकडून निषेध
काँग्रेस संपत आल्याने राहुल गांधी इव्हेंट घेऊन फिरत आहेत. त्यांना पत्रकारांच्या प्रश्नांची उत्तरे देता येत नाहीत, ते स्वातंत्र्यवीर यांच्याबद्दल चुकीचे बोलत आहेत. समस्त हिंदू धर्माचे श्रद्धास्थान हे सावरकर आहेत. मात्र गांधींचे बोल हे काँग्रेसला बरखास्त करेल. काही धर्माचा प्रसार करण्यासाठी हिंदू धर्माचा राहुल गांधी अपमान करत असल्याचा आरोप भाजपचे जिल्हाध्यक्ष राहुल चिकोडे यांनी केला.
या यात्रेदरम्यान स्वातंत्र्यवीर सावरकर यांच्यावर त्यांनी केलेल्या टीकेचे पडसाद सध्या राज्यभरात उमटत आहे. कोल्हापुरातही गांधी यांच्याविरोधात घोषणाबाजी करत निषेध नोंदवला. ऐतिहासिक बिंदू चौकात ही निदर्शने करण्यात आली.
