अभिनेत्री शिल्पा शेट्टी हिला चालू वर्षी बॉलिवूडमध्ये तीस वर्षे पूर्ण झाली आहेत. या कालावधीत तिने अनेक उत्तम चित्रपटांमध्ये काम केले आहे. अलिकडेच तिचा ‘सुखी’ हा चित्रपट प्रदर्शित झाला असून तो फारसा चालला नाही. यापुढील काळात चित्रपटांमध्ये फारसे काम करणार नसल्याचे शिल्पाने म्हटले आहे.
फार अधिक काम करण्याची माझी इच्छा नाही. आता केवळ माझ्या दोन्ही मुलांवर पूर्ण लक्ष देऊ इच्छिते. आता केवळ वेळ करण्यायोग्य असतील असेच प्रोजेक्ट स्वीकारणार आहे. हा निर्णय मी अत्यंत विचारपूर्वक घेतलेला आहे. पुढील काळात प्रेक्षक मला फारच कमी चित्रपटांमध्ये पाहणार असले तरीही ते उत्तम असतील याची खात्री देऊ इच्छिते असे शिल्पाचे सांगणे आहे.
चित्रपट निर्मितीची कक्षा आता बदलली आहे. चित्रपटसृष्टी आता कुठलाही चित्रपट चित्रपटगृहात प्रदर्शित करण्यापूर्वी दोनदा विचार करत आहे. एक कलाकार म्हणून जे मला काही उत्साहित करणार केवळ त्यावर काम करावे असे माझे मत तयार झाल्याचे शिल्पा म्हणाली.
