प्रतिनिधी / बेळगाव :
कौटुंबिक वादातून पतीने विळय़ाने हल्ला करुन पत्नीचा खून केल्याची घटना बैलहोंगल तालुक्यातील खोदानपूर येथे शुक्रवारी घडली आहे. पत्नीच्या खुनानंतर तो स्वतःहून पोलीस स्थानकात हजर झाला आहे. रुद्रव्वा चन्नबसाप्पा अडकी (वय 55) असे त्या दुर्दैवी महिलेचे नाव आहे. पती चन्नबसाप्पा अडकी (वय 62) याने खुनाची कबुली दिली असून दोडवाड पोलिसांनी त्याला अटक केली आहे. जिल्हा पोलीस प्रमुख डॉ. संजीव पाटील यांनी ही माहिती दिली आहे.
