सज्जनगडावर जात असताना घाटात चालकाचे नियंत्रण सुटल्याने तवेरा गाडी दरीत कोसळली. या अपघातात चालक जागीच ठार हा अपघात रात्री साडेबारा वाजण्याच्या सुमारास सज्जनगडाच्या तीव्र वळणावर अपघात झाला.
नियंत्रण सुटल्याने तवेरा गाडी 800 फूट खोल दरीत गेली. यामध्ये अजित शिंगरे (रा. सज्जनगड) यांचा अपघातात जागीच मृत्यू झाला. रात्री उशिरा या अपघाताचा आवाज स्थानिक नागरिकांना आल्यानंतर नागरिकांनी दरीच्या दिशेने धाव घेतली. त्यानंतर ही घटना उघडकिस आली.
दरम्यान, पोलीस निरीक्षक विश्वजीत घोडके यांनी आपल्या कर्मचाऱ्यांसह घटनास्थळी येऊन संबंधित व्यक्तीचा मृतदेह स्थानिक नागरिकांच्या मदतीने आज सकाळी बाहेर काढण्यात यश मिळवले. मृतदेह शवविच्छेदनासाठी सातारा जिल्हा शासकीय रुग्णालय दाखल केला आहे. या अपघाताची नोंद सातारा तालुका पोलीस ठाण्यात करण्यात आली आहे
