नवी दिल्ली / ऑनलाईन टीम
पश्चिम बंगाल विधानसभेच्या एकूण २९४ जागांसाठी निवडणूक होत आहे. निवडणुकीतील पहिल्या टप्प्यातल्या मतदानाला आज सकाळी ७.०० वाजल्यापासून सुरूवात झाली. सायंकाळी ६.०० वाजेपर्यंत हे मतदान सुरू राहणार आहे.
पहिल्या टप्प्यात एकूण ३० मतदारसंघांसाठी मतदान होत आहे. ज्या मतदारसंघांमध्ये मतदान होत आहे तिथे यापूर्वी हिंसक घटना घडल्या आहेत. यामुळे केंद्रीय सुरक्षा दलांचा कडेकोट बंदोबस्त ठेवण्यात आला आहे. कोरोना नियामांचे पालन करत मतदानाला सुरूवात झाली आहे. पहिल्या टप्प्यात राज्यातील पुरुलिया, बांकुरा, पश्चिम मिदनापूर, झारग्राम आणि पूर्व मिदनापूर या पाच जिल्ह्यांत मतदान होत आहे.
