फेंड़ा : थंडगार बरसणाऱ्या पावसात गरमागरम चहा पिल्याने शारीरिक थकवा व इतर ताणतणाव दूर होतो. तसेच एसी वाहनात बसून होणारी डोकेदुखीपासूनही सुटका मिळते असे उद्गार काल ढवळी फोंडा येथील हॉटेल टॉपमध्ये चहापान करताना शिरोड्याचे आमदार तथा जलस्रोत मंत्री सुभाष शिरोडकर यांनी काढले. शिरोडा मतदारसंघातील गोठावाडा-बेतोडा येथील एका देवस्थानसमोरील तळीचे काम हाती घेण्यासंबंधी व बाराजण बेतोडा येथील सरकारी हायस्कूलची जुनी जीर्ण झालेली इमारतीचे सर्वेक्षण करण्यासाठी ते गेले होते. तेथून कण्णेव्हाळ बेतोडा येथील पुलाच्या कामाचा आढावा घेत ढवळी-फोंडामार्गे घरी परतत असताना त्यानी टॉप हॉटेल येथे गरमागरम कांदा भजीचा आस्वाद घेतला. यावेळी त्याच्यासमवेत बेतोडा पंचायतीचे पंचसदस्य मधू खांडेपारकर, अक्षय गावकर, भाजपा मंडळाचे अवधूत नाईक उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
