बेळगाव : वडगाव येथील जागृत देवी श्री मंगाई देवीला शुक्रवारी दि. 9 रोजी रात्री गाऱ्हाणे घालण्यात आले. त्यानंतर सोमवार व मंगळवारी कुमारिकांच्या हस्ते मंगाई देवी तसेच परिसरातील मंदिरांना जलार्पण करण्यात आले होते. शुक्रवार दि. 16 रोजीही मोठ्या प्रमाणात कुमारिका उपस्थित होत्या. त्यांच्या हस्ते भक्तिभावाने मूर्तींना जलार्पण करण्यात आले आहे. दर मंगळवार आणि शुक्रवारी वार पाळण्यात येत आहेत. याचबरोबर मंगाई देवीसह इतर देवांना कुमारिका डोक्यावर कलश घेऊन जलाभिषेक करण्यात येत आहेत. यानंतर दर मंगळवारी जलार्पण करण्यात येणार आहे. श्री मंगाईदेवी ही जागृत देवी म्हणून ओळखली जाते. त्यामुळे भाविक मोठ्या भक्तिभावाने आता वार पाळत आहेत. महिनाभर वडगाव येथील 90 टक्के नागरिक मांसाहार खाणे टाळतात. शुक्रवारी जलार्पण करण्यासाठी कुमारिका मोठ्या संख्येने उपस्थित होत्या. मंगाईसह वडगाव परिसरातील 14 मंदिरांमध्ये जाऊन जलार्पण करण्यात आले. त्यानंतर मंगाईदेवीला जलार्पण करून पूजा करण्यात आली. यावेळी भाविक मोठ्या संख्येने उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
