धोबीघाट येथे उभारणार वॉटर हॉर्वेस्टिंग प्रकल्प

बेळगाव : कॅम्प येथील धोबीघाट येथे वॉटर हार्वेस्टिंग प्रकल्प उभारण्यात येणार आहे. बेळगाव उत्तरचे आमदार आसिफ सेठ यांनी या प्रकल्पाचे भूमिपूजन केले. बुडाकडून 18 लाख रुपये निधी दिला जाणार असून त्यामधून उद्यान तसेच वॉटर हॉर्वेस्टिंग प्रकल्प होणार आहे. धोबीघाट येथे मोठ्या प्रमाणात पाण्याचा वापर केला जातो. याच परिसरात एका तलावाचे मागील वर्षी बांधकाम करण्यात आले. जमिनीतील पाण्याची पातळी वाढावी, यासाठी वॉटर हॉर्वेस्टिंग प्रकल्प उभारण्यात येणार आहे. याबरोबरच शहराच्या इतर भागातही असे प्रकल्प राबविण्यासाठी आपण सहकार्य करू, असे आश्वासन आमदार आसिफ सेठ यांनी दिले. ब्रिगेडियर जॉयदीप मुखर्जी व कॅन्टोन्मेंटचे सीईओ राजीवकुमार यांनी या प्रकल्पाबद्दल आभार मानले. कॅन्टोन्मेंट हद्दीत वॉटर हॉर्वेस्टिंग प्रकल्प उभारण्यात येणार असल्याने त्यांनी कौतुक केले. या कार्यक्रमाला बुडाचे चेअरमन शकील अहमद, कॅन्टोन्मेंटचे माजी सदस्य साजीद शेख, डॉ. राहिला शेख, रिजवान बेपारी, अमन सेठ यासह इतर सदस्य उपस्थित होते.