जितो संस्थेतर्फे मतदान जनजागृती मोहीम

बेळगाव : बेळगाव महानगर क्षेत्रात गेल्या विधानसभा निवडणुकीत व नंतर झालेल्या लोकसभा पोटनिवडणुकीत 60-65 टक्के मतदान झाले आहे. शहरी भागात सुशिक्षित आणि उच्चशिक्षित लोक असूनही मतदानाचे प्रमाण कमी होत आहे. त्यामुळे यंदाच्या विधानसभा निवडणुकीत जनजागृती मोहिमेत 100 टक्के मतदान करून आपले कर्तव्य बजावण्याचे मतदारांना पटवून देण्यात आले. पत्रकांचे वाटप करून, घरोघरी, उद्यान व इतर भागात जाऊन मतदानाचे महत्त्व व कर्तव्य याबाबत जनजागृती करण्यात आली. बेळगाव दक्षिण मतदारसंघात गेल्या दहा दिवसांपासून भाग्यनगर, विद्यानगर, टिळकवाडी, हिंदवाडी, अनगोळ, राणी चन्नम्मानगर, गुऊप्रसाद कॉलनी, सोमवारपेठ, इतर भागात जनजागृती करण्यात आली. त्यानुसार बेळगाव उत्तर मतदारसंघासह हनुमाननगर, सदाशिवनगर, विश्वेश्वरय्या नगर, कुवेंपूनगर आदी भागात जनजागृती मोहीम राबविण्यात आली.