बेळगाव : खासदार जगदीश शेट्टर यांच्या प्रयत्नातून सुरू असलेल्या ‘व्हिजन कर्नाटक-2025’ प्रदर्शनाची शुक्रवारी सांगता झाली. तीन दिवस चाललेल्या या प्रदर्शनामध्ये बेळगावसह परिसरातील 20 हजारांहून अधिक विद्यार्थी व नागरिकांनी हजेरी लावली. शेतीपासून अंतराळ संशोधनापर्यंतची सर्व माहिती या प्रदर्शनात देण्यात आल्याने प्रदर्शनाला मोठा प्रतिसाद मिळाला. शुक्रवारी सांगता सोहळ्यात बोलताना खासदार शेट्टर म्हणाले, बेळगावच्या नागरिकांनी प्रदर्शनाला भरभरून प्रतिसाद दिला. शालेय व महाविद्यालयीन विद्यार्थी, शिक्षक, पालक, शेतकरी व नवउद्योजकांनी या प्रदर्शनाचा लाभ घेतला. केंद्र सरकारचे विविध विभाग सध्या कोणती कामगिरी करत आहेत, याची माहिती या प्रदर्शनातून देण्यात आली. पंतप्रधान नरेंद्र मोदी यांच्या नेतृत्वाखाली देशाची प्रगती सुरू असून 2047 मध्ये भारत महासत्ता होईल, असा विश्वास त्यांनी व्यक्त केला. कार्यक्रमाला महापौर मंगेश पवार, शिल्पा शेट्टर, नगरसेवक श्रेयस नाकाडी, माजी विधान परिषद सदस्य महांतेश कवटगीमठ, जि. पं. सीईओ राहुल शिंदे, वनीश गुप्ता, नितू पाल यासह इतर मान्यवर उपस्थित होते. कार्यक्रम यशस्वी होण्यासाठी विशाल मलिक, दत्ता थोरे, संतोष पवार, विनोदकुमार यासह इतरांनी मेहनत घेतली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
