पणजी : सध्या मध्य प्रदेशातील निवडणूक प्रचारात गुंतलेले गोव्याचे आरोग्यमंत्री विश्वजित राणे यांनी पंतप्रधान नरेंद्र मोदी यांचे इंदौर येथे विमानतळावर स्वागत केले. पंतप्रधानांसमोर विनम्र झालेल्या विश्वजित राणे यांचे दोन्ही हात पंतप्रधानांनी पकडले व राणे यांना आशीर्वाद दिला. पंतप्रधान नरेंद्र मोदी हे मध्य प्रदेशात इंदौर येथे प्रचारासाठी गेले आहेत. पंतप्रधान नरेंद्र मोदी हे विश्वगुऊ आहेत. त्यांचे स्वागत करताना आपल्याला अत्यंत आनंद झाला. जगाचा एक दूरदर्शी नेता, ज्याने भारताला आपल्या कुशल नेतृत्वाने प्रगतीच्या अनेक वर्षे पुढे नेले त्यांच्यासमोर नम्र होताना देखील प्रचंड उर्जा व प्रेरणा मिळाली, असे राणे म्हणाले. देशाच्या एवढ्या मोठ्या नेत्याने दिलेल्या आशीर्वादाने मन प्रसन्न झाले. या देशाच्या विकासासाठी पंतप्रधान नरेंद्र मोदी यांचे समर्पण आणि वचनबद्धता पाहता कर्तृत्वाने हा फार महान नेता आहे, असे उद्गार मंत्री विश्वजित राणे यांनी समाज माध्यमांतून व्यक्त केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
