विराज कुगजीचे क्रीडा स्पर्धेत यश

बेळगाव : कर्नाटक राज्य अॅथलेटिक असोसिएशन, कर्नाटक राज्य मिनी ऑलिम्पिक संघटना, युवा क्रीडा खाते बेंगळूरयांच्यावतीने कंठीरवा स्टेडियम बेंगळूर येथे घेण्यात आलेल्या कर्नाटक राज्य मिनी ऑलिम्पिक स्पर्धेमध्ये ज्योती अॅथलेटिक स्पोर्ट्स क्लबचा धावपटू विराज कुगजीने चांगली कामगिरी केली. 14 वर्षाखालील वयोगटात त्याने 400 व 600 मी. धावण्याच्या शर्यतीत दोन रौप्य पदके पटकाविली. तसेच 100×400 मी. रिलेत कांस्यपदक मिळविले. अनुज हणगोजीने रिलेत कांस्यपदक पटकाविले. त्याला एल. जी. कोलेकर व प्रशिक्षक अनिल गोरे यांचे मार्गदर्शन लाभले.