विनोद मेत्री, राजेश लोहार यांचा गौरव

बेळगाव : थायलंड पटाया येथे झालेल्या गॅलक्सी जागतिक शरीरसौष्ठव स्पर्धेत सुवर्ण पदक पटकाविलेल्या विनोद मेत्री व आंतरराष्ट्रीय पंच म्हणून उत्तीर्ण झालेल्या राजेश गणपती लोहार या दोघांचा बेळगाव डिस्ट्रीक्ट बॉडीबिल्डींग अॅण्ड स्पोर्ट्स व कर्नाटक राज्य बॉडीबिल्डींग अॅण्ड स्पोर्ट्स संघटनेतर्फे या दोघांचा सत्कार करण्यात आला. उद्यमबाग येथील फौंड्री क्लस्टर येथे आयोजित करण्यात आलेल्या सत्कारप्रसंगी वाहतूक विभागाचे पोलीस अधीक्षक बी. आर. निकम, अभिनेत्री प्राजक्ता चव्हाण, अभिनेता शशिकांत नाईक, निधी राऊळ, संघटनेचे कार्याध्यक्ष अनिल आंबरोळे, सुनील चौधरी, नारायण चौगुले, रमेश देसूरकर, राजेंद्र जैन, मि. इंडिया रणजीत किल्लेकर, बाबू पावशे, सुनील बोकडे व भारत बाळेकुंद्री आदी मान्यवरांच्या हस्ते या दोघांचा सत्कार करण्यात आला. यावेळी मनोहर पाटील, सुधाकर चाळके, विजय चौगुले, संतोष सुतार, अतित बेलेकर, पवन हसबे, सोनाली राव गायकवाड, वीणा बांडगे, निलम आठवले, विश्वास दळवी, ओमकार पाटील, मारुती व अमित लोहार आदी उपस्थित होते.