विजय पाटील बी स्ट्राँग फिटनेस टॉप टेन किताबाचा मानकरी

बेळगाव : बेळगाव जिल्हा शरीरसौष्ठव संघटना व बी स्ट्राँग फिटनेस जीमतर्फे जीम मर्यादित बी स्ट्राँग फिटनेस शरीरसौष्ठव स्पर्धेत विजय पाटील यांनी आपल्या पिळदार शरीराच्या जोरावर बी स्ट्राँग फिटनेस टॉप टेन हा मानाचा किताब पटकावला. गोवावेस येथील मैदानावर आयोजित करण्यात आलेल्या मैदानावर बी स्ट्राँग फिटनेस जीम मर्यादित टॉप टेन स्पर्धेचे उद्घाटन मिस्टर वर्ल्ड विजेता सुहास खामकर व प्रीतम चौगुले, संजय सुंठकर, मल्लिकार्जुन जगजंपी, अजित सिद्दण्णावर, सुनील आपटेकर आदी मान्यवरांच्या हस्ते दीपप्रज्वलन करून करण्यात आले. या स्पर्धेत एकूण 22 स्पर्धकांनी भाग घेतला होता. त्यामध्ये 1) विजय पाटील 2) प्रसाद बेळगावकर 3) तुकाराम 4) शिवकुमार पाटील 5) जोतिबा सावंत, 6) प्रथम निर्मळे, 7) महेश देसाई, 8) सागर सोलंकी, 9) ज्ञानेश्वर वाणी, 10) गजानन गावडे यांनी विजेतेपद पटकावले. मान्यवरांच्या हस्ते विजेत्या स्पर्धकांना चषक, प्रमाणपत्र व रोख रक्कम व भेटवस्तू देऊन त्यांचा गौरव करण्यात आला. य् ाा स्पर्धेसाठी पंच म्हणून आशियाई पंच अजित सिद्दण्णावर, सुनील आपटेकर, जे. डी. भट्ट, जय निलकंठ, दिलीपकुमार, असिफ कोसगल, जॉन्सन, नेल्सन, अनिष, एम. के. गुरव, एम. गंगाधर, हेमंत हावळ, अनंत लंगरकांडे, सुनील पवार, नूर मुल्ला तर स्टेज मार्शल म्हणून किसन चिक्कतुंबल, आकाश मुलिया, गजानन हंगिरगेकर, अनंत प्रधान यांनी काम पाहिले.