आंध्रचा मारनायो पहिला उपविजेता, स्वरूप बंगेरा दुसरा उपविजेता, हुल्लूर उत्कृष्ट पोजर
बेळगाव : बेंगळूर येथे घेण्यात आलेल्या इंडियन बॉडीबिल्डिंग फेडरेशन व कर्नाटक राज्य शरीरसौष्ठव संघटनेच्या संयुक्त विद्यमाने आयोजित ड्रीम्स क्लासिक मि. साऊथ इंडिया शरीरसौष्ठव स्पर्धेत कर्नाटकाच्या विघ्नेशने आपल्या पिळदार शरीराच्या जोरावर ड्रीम्स क्लासिक मि. साऊथ इंडिया चॅम्पियन ऑफ चॅम्पियन हा किताब पटकाविला. आंध्रप्रदेशच्या मारनायो एन. ने पहिले उपविजेतेपद तर कर्नाटकाच्या स्वरूप बंगेराने दुसरे उपविजेतेपद पटकाविले. कर्नाटकाच्या जाकर हुल्लूरने उत्कृष्ट पोजर हा मानाचा किताब पटकाविला.
बेंगळूर येथे झालेल्या ड्रीम्स क्लासिक मि. साऊथ इंडिया शरीरसौष्ठव स्पर्धा आयबीबीएफ मुंबईच्या मान्यतेनुसार दहा वजनी गटात ही स्पर्धा घेण्यात आली. निकाल पुढीलप्रमाणे 55 किलो गट 1) स्वयमदेव एमएस (केरळ), 2) जाकर हुल्लूर (कर्नाटक), 3) ए. गणेशन (तामिळनाडू), 4) मनोज एस.आर., 5) आकाश निंगराणी (दोघेही कर्नाटक). 60 किलो गट 1)गंगाधरस्वामी (कर्नाटक), 2)संजय के. (कर्नाटक), 3)साजललाल व्ही. एस. (केरळ), 4)के. गगन 5) के. आकाश (दोघेही तामिळनाडू), 65 किलो गट 1)धिरजकुमार (कर्नाटक), 2)वासु पी. (कर्नाटक), 3)टी. जयप्रकाश (तामिळनाडू), 4) गणेश पाटील 5) सुरज आचार्य (दोघेही कर्नाटक), 70 किलो गट 1) विघ्नेश (कर्नाटक), 2) प्रताप कालकुंद्रीकर बेळगाव (कर्नाटक), 3) जतीनराज के. पी. (केरळ), 4) पायान बी. 5) अप्पु जे. (दोघेही कर्नाटक), 75 किलो गट 1) युसूफा आय. बी. (कर्नाटक), 2) फिलेक्स जोयेल (केरळ), 3) आर. देव्हीडकुमार (तामिळनाडू), 4) विक्रमराज एस. (तामिळनाडू), 5) रक्षित (कर्नाटक), 80 किलो गट 1) मारनायो (आंध्रप्रदेश), 2) विनोद जी. के. (कर्नाटक), 3) साजिद के. एम. (केरळ), 4) सत्यानंद भट, 5) राहुल एम. (दोघेही कर्नाटक), 85 किलो गट 1) स्वरूप बंगेरा (कर्नाटक), 2) एम. पांडीयन (तामिळनाडू), 3) वरूनकुमार जे.व्ही.के (कर्नाटक), 90 किलो गट 1)चरन राज (कर्नाटक), 2) जिनन गोपल (केरळ), 3) चॉ जॉन डेव्हीड (आंध्रप्रदेश), 100 किलो गट 1) गौतम (कर्नाटक), 2) नितीन (केरळ) यांनी विजेतेपद पटकाविले.
ड्रीम्स क्लासिक मि. साऊथ इंडिया किताबासाठी स्वयमदेव एम. एस., गंगाधर स्वामी, धिरज कुमार, विघ्नेश, युसूफा आय. बी., मारनायो, स्वरूप बंगेरा, चरण राज, गौतम यांच्यात लढत झाली. विघ्नेश, मारनायो व स्वरूप बंगेरा यांच्यात तुलनात्मक लढत झाली. त्यामध्ये कर्नाटकाच्या विघ्नेशने आपल्या पिळदार शरीराच्या जोरावर ड्रीम्स क्लासिक मि. साऊथ इंडिया चॅम्पियन ऑफ चॅम्पियन हा किताब पटकाविला. तर आंध्रप्रदेशच्या मारनायो एन.ने पहिले उपविजेतेपद तर कर्नाटकाच्या स्वरूप बंगेराने दुसरे उपविजेतेपद पटकाविले. जाकर हुल्लूरने उत्कृष्ट पोजरचा किताब पटकाविला. विजेत्या स्पर्धकांना मान्यवरांच्याहस्ते पदके, प्रमाणपत्र, रोख रक्कम व भेटवस्तु देऊन गौरविण्यात आले. या स्पर्धेसाठी पंच म्हणून एशियन पंच अजित सिध्दण्णावर, अरसु, बालामुगण, लेस्लीय, पिटर, आनंदन, कृष्णा, भास्करन, गंगाधर, जे. निलकंठ, दिलीप कुमार यांनी काम पाहिले.
