हरमल समुद्रकिनाऱ्यावर दृष्टी जीवरक्षकांची सावध टेहळणी

हरमल : येथील किनारी भागांत सध्या खारे पाणी स्नानासाठी गर्दी होत असल्याने जीवरक्षकांची कसौटी लागली असून,त्यांच्या लक्षणीय टेहेळणी व उत्कृष्ट सेवेमुळे नागरिकांत समाधान व्यक्त होत आहे. गेले अनेक दिवस ही स्थिती किनारी भागांत चालू असल्याने जीवरक्षक डोळ्यात तेल घालून स्नान घेण्राया लोकांसाठी जीवाचे रान करीत आहेत. टेहेळणी स्टॅण्ड लावून लोकं स्नान करीत असलेल्या ठिकाणी तांबडा झेंडा व स्टँडवर बसून ड्युटी करतानाचे चित्र दिसत आहे.याबाबत नागरिक अर्जुन पेडणेकर यांनी ह्या जीवरक्षकांच्या सेवेबद्दल स्नान उरकण्यात चिंता जाणवत नाही,असे त्यांनी सांगितले.पाण्यात स्नान घेण्राया लोकांसाठी जीपं गाडीतून सूचना व मार्गदर्शन नित्य चालू असते.