विद्याभारती क्रीडास्पर्धा एक जुलैपासून

बेळगाव : विद्याभारती कर्नाटक पुरस्कृत विद्याभारती बेळगाव जिल्हास्तरीय क्रीडा स्पर्धा मंगळवार दि. 1 जुलैपासून प्रारंभ होणार आहे. अनगोळ येथील संत मीरा  शाळेच्या सभागृहात झालेल्या बैठकीत प्रमुख पाहुणे शाळेचे प्रशासक राघवेंद्र  कुलकर्णी,विद्याभारती उपाध्यक्ष रामनाथ नाईक, शाळेच्या मुख्याध्यापिका सुजाता दप्तरदार, उपमुख्याध्यापिका ऋतुजा जाधव, संत मीरा गणेशपुर शाळेच्या मुख्याध्यापिका आरती पाटील उपस्थित होत्या. प्रारंभी विद्याभारती जिल्हा शारीरिक प्रमुख सी. आर. पाटील यांनी उपस्थित मान्यवरांचे स्वागत केले, व आगामी विद्याभारतीच्या वतीने घेण्यात येणाऱ्या राज्यस्तरीय व राष्ट्रीय स्तरावरील स्पर्धेबाबत माहिती आडावा घेतला. यावर्षी गणेशपुर येथील संत मीरा शाळा जिल्हास्तरीय स्पर्धेचे यजमानपद करणार असून शाळेच्यावतीने मंगळवार दि. 1 जुलै रोजी योगा, बुद्धिबळ, कराटे ,मलखांब ही स्पर्धा येण्यात येणार आहे. तसेच शुक्रवार दि. 4 जुलै रोजी फुटबॉल लेले मैदान, शनिवार तारीख 5 जुलै रोजी खो खो संत मीरा गणेशपुर तर मंगळवार दि. 15 जुलै रोजी अॅथलेटिक्स, व्हॉलीबॉल, कबड्डी, स्पर्धा जिल्हा क्रीडांगणावर घेण्याचा निर्णय बैठकीत घेण्यात आला आहे. तसेच यंदा विद्याभारती अखिल भारतीय अॅथलेटिक स्पर्धा मंगळूर पब्लिक स्कूल हासन येथे होणार आहे. या बैठकीला ओंमकार गावडे, प्रशांत वांडकर, श्रीकांत कांबळे, श्वेता पाटील, शिवकुमार सुतार. अनुराधा पुरी, विविध शाळेचे शिक्षक बैठकीला उपस्थित होते.