बिटा, सीएसआरएफ, सिग्नीचरची विजयी सलामी

बेळगाव : फॅब फुटबॉल अकादमी आयोजित फॅब लीग चषक मुलींच्या फुटबॉल स्पर्धेत बिटा स्पोर्ट्स, सीएसआरएफ,सिग्नीचर यांनी आपल्या प्रतिस्पर्ध्यांवर मात करुन विजयी सलामी दिली. या स्पर्धेच्या उद्घाटन प्रसंगी प्रमुख पाहुणे म्हणून प्रगती रेडेकर, अॅड. अनुराधा पाटील, पुरस्कर्ते विजय रेडेकर, अमरदीप पाटील, ओमकार कुंडेकर, शुभम यादव, विवेक सनदी, निखिल कांबळे आदी मान्यवर उपस्थित होते. चेंडू लाथाडून स्पर्धेचे उद्घाटन करण्यात आले. पहिल्या सामन्यात बीटा स्पोर्ट्सने जॉन एफसीचा 1-0 असा निसटता पराभव केला. दुसऱ्या सामन्यात सीएसआरएफने बुफाचा 1-0, तिसऱ्या सामन्यात सिग्नीचरने सेंट जोसेफचा 5-0 तर चौथ्या सामन्यात एमएसडीएफने संतीबस्तवाडचा 6-0 असा पराभव केला. या स्पर्धेला स्थानिक फुटबॉल शौकिनांचा चांगला प्रतिसाद लाभत आहे.