वसगडे / वार्ताहर
सांगली- पलूस मार्गावरील वसगडे येथील रेल्वे गेटवर नविन दुहेरीकरण मार्गावर दोन डब्ब्यामधुन मालवाहतुक करणार्‍या रेल्वेचे इंजीन रुळावरुन घसरल्याने राज्यमार्ग पुर्णपणे बंद पडला आहे. सदरची घटना सोमवारी सांयकाळी सातच्या दरम्यान घडली आहे.
कोल्हापुर- पुणेच्या नविन दुहेरीकरण रुळावर चाचणीसाठी वाहतुक करताना इंजिन घसरले आहे. यामध्ये कोणत्याही प्रकारची हानी झाली नाही. इंजिन रुळांवरून हटविण्यासाठी रेल्वे विभागाचे युध्द पातळीवर प्रयत्न सुरु आहेत. इंजिन घसरल्याने प्रवाशी वाहनधारकांना त्रास सहन करावा लागत असुन वाहतुक भिलवडी स्टेशन मार्गे सुरु आहे.
