राष्ट्रीय स्पर्धेसाठी वेदांत मिसाळेची निवड

बेळगाव : बेंगळूर येथे कर्नाटक राज्य जलतरण संघटना आयोजित एन.आर.जे. राज्यस्तरीय सबज्युनियर, ज्युनियर स्पर्धेत बेळगावचा ज्योती सेंटर स्कूलचा विद्यार्थी वेदांत मिसाळेने 2 सुवर्ण, 1 कांस्यपदक पटकाविले,त्याची राष्ट्रीय स्पर्धेसाठी निवड झाली आहे. या कामगिरीची दखल घेऊन शालेय एसएमसी कमिटीतर्फे वेदांतचा खास गौरव करण्यात आला. बेंगळूर येथे बसवनगुड्डी सेंटरच्या जलतरण  तलावात झालेल्या राज्यस्तरीय सबज्युनिअर ज्युनिअर जलतरण स्पर्धेत बेळगावच्या जलतरणपटूंनी भाग घेतला होता. त्यामध्ये ज्योती सेंट्रल स्कूलचा विद्यार्थी वेदांत मिसाळेने 200 मी. व 100 मी, बटरफ्लायमध्ये 2 सुवर्णपदक पटकाविली तर 50 मी. बटरफ्लायमध्ये कांस्यपदक घेतले.अहमदाबाद येथे होणाऱ्या सबज्युनिअर, ज्युनिअर राष्ट्रीय जलतरण स्पर्धेसाठी वेदांत मिसाळेची निवड करण्यात आली आहे. संघटनेचे चेअरमन निवृत्त प्राचार्य आर. के. पाटील, व्हा. चेअरमन प्रा आर. एस. पाटील, सचिव नितीन घोरपडे व मुख्याध्यापिका सोनाली कंग्राळकर यांच्या उपस्थितीत वेदांत मिसाळेचा खास गौरव करण्यात आला.