कोल्हापूर प्रतिनिधी
कोल्हापुरातून सोमवारी पहिली वंदे भारत ट्रेन धावणार आहे. गुजरातमधून प्रधानमंत्री नरेंद्र मोदी तर कोल्हापुरातून केंद्रीय रेल्वे राज्यमंत्री व्ही. सोमन्ना सायंकाळी 4 वाजून 15 मिनिटांनी हिरवा झेंडा दाखवल्यानंतर कोल्हापूर-पुणे ‘वंदे भारत’ रेल्वेस सुऊवात होणार आहे. यावेळी पालकमंत्री हसन मुश्रीफ, खासदार धनंजय महाडिक, खासदार शाहू छत्रपती, खासदार धैर्यशील माने यांच्यासह रेल्वे प्रशासनाचे अधिकारी उपस्थित राहणार आहेत.
कोल्हापूर-पुणे ‘वंदे भारत’सह देशभरात 7 वंदे भारत रेल्वे सोमवारपासून सुरू होत आहेत. कोल्हापूर-पूणे वंदे भारतची शनिवारी यशस्वी चाचणी झाली असून सोमवारी सायंकाळी 4 वाजून 15 मिनिटांनी पहिली कोल्हापूर-पुणे ‘वंदे भारत’ रेल्वे मान्यवरांच्या उपस्थितीमध्ये सुरू होणार आहे. गुरूवारपासून ही रेल्वे नियमित सकाळी सव्वाआठ वाजता सुटणार आहे. यामुळे कोल्हापूर ते पुणे रेल्वेचा प्रवास आता सुखकर व जलद होणार आहे.
