बेळगाव : द.म.शि.मंडळ संचलित वनश्री हायस्कूल (ता. खानापूर) येथे शुक्रवारी विभागीय क्रीडा स्पर्धांचे आयोजन करण्यात आले होते. यामध्ये हलगा, मेरडा, हत्तरवाड, मेंढेगाळी, वनश्री हायस्कूल-हलगा, शिवठाण हायस्कूल यांनी भाग घेतला होता. अध्यक्षस्थानी अध्यक्ष विठ्ठल गुरव, प्रमुख पाहुणे म्हणून एसडीएमसी सदस्य नानासाहेब पाटील, लक्ष्मण गुरव, विविध शाळेंचे संघ व्यवस्थापक, शिक्षक, हलगा विभागाचे सीआरसी एन. के. पाटील होते. पथसंचलनाने कार्यक्रमाची सुरुवात झाली. वनश्री हायस्कूलच्या विद्यार्थिनींनी इशस्तनव व स्वागतगीत म्हणून स्वागत केले. पाहुण्यांचा परिचय लक्ष्मण देसाई यांनी करुन दिला. मुख्याध्यापक एस. एन. सपाटे यांनी पुष्प देवून स्वागत केले. प्रास्ताविक मुख्याध्यापक एस. एन. सपोटे यांनी करताना खेळाडूंना विविध खेळांचे जसे योगासन, बौद्धिक खेळ, मैदानी खेळ यांचे महत्त्व पटून दिले व मोबाईलचा अतिवापरापासून दूर राहण्यासाठी विद्यार्थ्यांना आवाहन केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
