व्हॅलॅटाईनची सुंदर भेट

पणजी : गोव्यातील नव्या दमाचे एक प्रतिभावंत कलाकार जय आमोणकर यांचा नवीन हिंदी म्युझिक व्हिडीयो-‘दरमियॉ’ नुकताच सात्विक एनटरटेनमेंटच्या बॅनरखाली, एका दिमाखदार समारंभात प्रकाशित होऊन रसिकांच्या भेटीला आला आहे. ‘दरमियां’च्या प्रकाशन समारंभास, ज्येष्ठ रंगकर्मी ज्ञानेश मोघे, सुप्रसिध्द कवियित्री  कालिका बापट व  संगीतकार समीर कर्पे अतिथी म्हणून उपस्थित होते.तिघांनीही व्हिडीयोस ‘गलबलवून टाकणारा व्हिडीयो’ ह्या शब्दात पसंतीची भरभरून पावती दिली व तरूण कलाकारांचे मनभरून कौतुक केले . स्वाती पाटील यांनी उत्कृष्ट निवेदन करून कार्यक्रमात रंगत आणली.सदर व्हिडीयोची कथा, दिग्दर्शन , गीतलेखन, संगीत व पटकथा स्वत: जय आमोणकरने केले असून , दिग्दर्शनात, गौरीश बी.नाईक व संगीतात श्रेयस देशपांडे ह्यांनी त्यांना हातभार लावला आहे.शीर्षक गीत विंध्याशीष सोनार ह्यांनी सुमधुर आवाजात गायले आहे.संकलन व छायाचित्रणाची धुरा ,समीर अडकोणकर ह्यांनी यशस्वीरित्या पेलली असून, मेकअपची बाजू दीपाली मांद्रेकरने संभाळली आहे.मुख्य भूमिकांत समीर वेर्णेकर व कृतिका राऊत असून इतर भूमिकांत, उर्मेशा गावकर , श्री व सौ लक्ष्मण पित्रे , गौरीश नाईक , अवधूत कामत , जितेंद्र फडते, वेदिता वेर्णेकर , योगेश नाईक व सागर च्यारी आहेत.एका अलवार प्रेमकहाणीचा हा ह्रदयस्पर्शी व्हिडीयो, यू ट्युबवर उपलब्ध असून ,सध्या असंख्य कलाप्रेमींच्या ’लाईक्स’च्या वर्षावात चिंब न्हाऊन निघत आहे .