येळळूर : केंद्र सरकार पुरस्कृत राष्ट्रीय पशुरोग नियंत्रण कार्यक्रमाद्वारे जनावरांना लाळ्या खुरकत रोग प्रतिबंधक लसीकरण मोहीम संपूर्ण कर्नाटकात 3 नोव्हेंबरपासून सुरू असून या अंतर्गत आतापर्यंत येळळूरमध्ये 1708 जनावरांपैकी जवळपास 1400 जनावरांना लसीकरण करण्यात आले आहे. याशिवाय धामणे 1506, सुळगा 522, यरमाळ 383 जनावरांना लसीकरण कार्यक्रम सुरू आहे. तोही येत्या कांही दिवसात पूर्ण होईल, असे पशुचिकित्सक अधिकारी शैलेश बगळे व वैषाली इंदुलकर यांनी सांगितले. आतापर्यंत या रोगाची लागण कुठे दिसत नसली तरी प्रतिबंधात्मक उपाय म्हणून ही लस वर्षातून दोनवेळा जनावरांना देण्यात येते, असे त्यांनी सांगितले. त्यांच्यासोबत उमेश पाटील, पांडूरंग भादवणकर, सिद्धार्थ शिर्के, पूजा हुंद्रे, गीता कुकडोळकर, सविता चौगुले ही टीम कार्यरत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
