वृत्तसंस्था/ मोहाली
सय्यद मुश्ताक अली चषक टी-20 स्पर्धेत उत्तर प्रदेशने मंगळवारी येथे झालेल्या सामन्यात गुजरातचा 6 गड्यांनी पराभव करत उपांत्यपूर्व फेरी गाठली आहे.
या सामन्यात प्रथम फलंदाजी करताना गुजरातने 20 षटकात 8 बाद 127 धावा जमविल्या. त्यानंतर उत्तर प्रदेशने 18.4 षटकात 4 बाद 130 धावा जमवित विजय नोंदविला. गुजरातच्या डावामध्ये सौरभ चौहानने 21 चेंडूत 32 धावा जमविल्या. उत्तर प्रदेशतर्फे भुवनेश्वर कुमारने 21 धावात 3 तर मौहसिन खानने 13 धावात 2 गडी बाद केले. त्यानंतर उत्तर प्रदेशच्या डावात नितिश राणाने 49 चेंडूत नाबाद 71 धावा झळकावल्या. समीर रिझवीने 39 चेंडूत 30 धावा केल्या. रवी बिश्नोईने 29 धावात 2 गडी बाद केले.
संक्षिप्त धावफलक : गुजरात 20 षटकात 8 बाद 127 (चौहान 32, भुवनेश्वर कुमार 3-21, मौहसिन खान 2-13), उत्तर प्रदेश 18.4 षटकात 4 बाद 130 (नितिश राणा नाबाद 71, रिझवी 30, बिश्नोई 2-29).
