नवी दिल्ली :
उत्कर्ष स्मॉल फायनान्स बँकेचा आयपीओ 12 जुलै रोजी बाजारात सबस्क्रिप्शनसाठी खुला होणार असल्याची माहिती आहे. सदरच्या बँकेचे मुख्य कार्यालय वाराणसी येथे असून बँक आयपीओच्या माध्यमातून आगामी काळात 500 कोटी रुपये उभारणार असल्याचे समजते. सदरच्या आयपीओकरीता बँकेने 23-25 रुपये प्रति समभाग प्राइस बँड ठेवण्याचा निर्णय घेतला आहे. रिटेल गुंतवणूकदारांना आयपीओत कमीत कमी 15 हजार रुपये गुंतवावे लागणार आहेत.
