अमेरिकेच्या गुप्तहेरांचे युक्रेनला साहाय्य

रशियाच्या सैन्याधिकाऱयांना ठार मारण्यासाठी युक्रेनच्या सेनेला अमेरिकेच्या गुप्तचरांचे साहाय्य मिळत आहे, अशी माहिती न्यूयॉर्क टाईम्स या अमेरिकेतील प्रसिद्ध वृत्तपत्राने बुधवारी एका अहवालातून देण्यात आली होती. यावर रशियामध्ये तीव्र प्रतिक्रिया उमटली आहे. रशियाच्या सैन्याधिकाऱयांच्या हालचाली किंवा वास्तव्याची स्थाने यांची माहिती अमेरिकेच्या गुप्तचरांना मिळणे शक्य नाही, असा रशियाचा दावा आहे. तथापि, आतापर्यंत रशियाचे 16 उच्च सेनाधिकारी युपेन युद्धात मारले गेले आहेत. अमेरिकेने योग्यवेळी गुप्त माहिती पुरविल्यामुळेच हे शक्मय झाले, असा दावा अमेरिका आणि युपेन या दोन्ही देशांनी केला आहे. रशियाने मात्र हे अमेरिकेचे कुटिल युद्धतंत्र असल्याचे सांगत रशियामध्ये अमेरिकेची गुप्तहेरगिरी चालू शकत नसल्याचे स्पष्ट केले आहे. युपेनने रशियाच्या सैन्यावर चढविलेल्या अचूक हल्ल्यांसाठी अमेरिकेचे गुप्त माहिती साहाय्य उपयोगी पडल्याचे अनेक तज्ञांनीही म्हटले आहे. या दाव्यांमुळे आता अमेरिका आणि रशिया यांच्यात शब्दयुद्ध छेडले गेल्याचे दिसत आहे.