लिजेंट्स फुटबॉल स्पर्धेच्या चषकाचे अनावरण

बेळगाव : लिजेंट्स फुटबॉल संघटना के.आर. शेट्टी ग्रुप पुरस्कृत लिजेंट्स स्मृतीचषक सिक्स साईड फुटबॉल स्पर्धेच्या चषकाचे अनावरण मोठ्या उत्साहात करण्यात आले. सेंट पॉल्स स्कूलच्या मैदानावर बेळगावातील ज्येष्ठ, दिवंगत खेळाडूंच्या स्मरणार्थ लिजेंट्स चषक फुटबॉल स्पर्धेचे आयोजन दि. 9 व 10 दरम्यान करण्यात आले आहे. सदर स्पर्धा विनोद होसूरकर, बेळगावचा स्टार खेळाडू अमित मासेकर, ख्रिस्टोपेयर पिल्ले, विजय सांळूखे व किसन कंग्राळकर यांच्या स्मरणार्थ आयोजित करण्यात आली आहे. त्यांच्या स्मरणार्थ ही स्पर्धा के. आर. शेट्टी किंगसचे संचालक प्रणय शेट्टी, कुणालराव कांबळे, प्रशांत वाडंकर, विजय रेडेकर, अभिलास कसोटीया, श्रवण उचगावकर, चेतन कोठारे, अमित कसोटीया या मित्रांकडून आयोजित करण्यात आली आहे. या स्पर्धेच्या चषकाचे अनावरण करण्यात आले. स्पर्धेतील विजेत्या व उपविजेत्या संघाला रोख रक्कम व चषक देऊन गौरविण्यात येणार आहे. स्पर्धेतील सर्वाधिक गोल करणाऱ्या खेळाडूला विनोद होसूरकर यांच्या स्मरणार्थ चषक, उत्कृष्ट आघाडीचा खेळाडूला अमित मासेकर यांच्या स्मरणार्थ, उत्कृष्ट मिड फिल्डर, ख्रिस्टोफेर पिल्ले यांच्या स्मरणार्थ, उत्कृष्ट डिफेंडर विजय साळुंखे यांच्या स्मरणार्थ, उत्कृष्ट गोलरक्षक किसन कंग्राळकर यांच्या स्मरणार्थ चषक व रोख रक्कम देऊन गोरविण्यात येणार आहे.