बेळगाव : कॅन्टोन्मेंट कार्यालयाच्या परिसरात बसविण्यात आलेल्या भगवान महावीरांच्या मूर्तीचे अनावरण सोमवारी थाटात करण्यात आले. मठ गल्ली येथील जैन युवा मंडळाच्यावतीने महावीरांची भव्य मूर्ती कॅन्टोन्मेंट परिसरात बसविण्यात आली आहे. सोमवारी लष्कर दिनाचे औचित्य साधून मान्यवर व जैन बांधवांच्या उपस्थितीत मूर्तीचे अनावरण करण्यात आले. कॅन्टोन्मेंटचे अध्यक्ष ब्रिगेडियर जॉयदीप मुखर्जी, सीईओ राजीवकुमार, नामनिर्देशित सदस्य सुधीर तुपेकर यांच्या उपस्थितीत महावीरांच्या मूर्तीचे अनावरण झाले. यावेळी बोलताना हिराचंद कलमनी म्हणाले, महावीरांची मूर्ती बसविण्यासाठी मागील दोन महिन्यांपासून जैन युवक मंडळाचे पदाधिकारी कार्यरत होते. त्यांच्या मेहनतीतून सुंदर अशी मूर्ती कॅन्टोन्मेंट कार्यालय परिसरात बसविण्यात आली. यासाठी त्यांनी कॅन्टोन्मेंट प्रशासनाचेही आभार मानले. यावेळी अध्यक्ष सुनील चौगुले, पद्मराजा वैजन्नावर, अरुण बेल्लद, सिद्धार्थ अमानजी, सनीत चौगुले, राजेश कलमनी, सुरेश चौगुले, कार्तिक पाटील, सुरेखा गौरगोंडा यांच्यासह जैन बांधव उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
