बेळगाव : हुबळी येथे झालेल्या कर्नाटक राज्य क्रिकेट संघटना धारवाड विभाग आयोजित 16 वर्षाखालील मुलांच्या क्रिकेट स्पर्धेतील सामन्यात युनियन जिमखाना ब संघाने बीडीके ब संघाचा 23 धावांनी पराभव केला. अष्टपैलु कामगिरी केलेल्या साईराज पोरवालला ‘सामनावीर’ पुरस्कार देण्यात आला. नाणेफेक जिंकून प्रथम फलंदाजी करताना युनियन जिमखाना ब संघाने 50 षटकात 9 गडीबाद 191 धावा केल्या. त्यात आर्यन मुऊडकरने 7 चौकारांसह 42, साईराज पोरवालने 3 चौकारांसह 32, अतिथी भोगणने 29 तर मोहम्मद हमझाने 19 धावा केल्या. बीडीके संघातर्फे विवान भूसदने 3 गडी बाद केले. प्रत्युत्तरादाखल खेळताना एक वेळ अशी होती की, बिनबाद 112 धावा अशा सुस्थितीत असलेला बीडीके ब संघ साईराज पोरवाल, मोहम्मद हमजा, निश्चल हिरेमठ व अतिथी भोगण यांच्या सुरेख गोलंदाजी पुढे 168 धावात गडगडला. त्यात विवान भूसदने 54 तर बशीर अहमद खानने 55 व आदित्य कांबळेने 17 धावा केल्या. युनियन जिमखाना ब संघातर्फे साईराज पोरवालने 3, मोहम्मद हमजा व निश्चत यांनी प्रत्येकी 2 तर अतिथी भोगणने 1 गडी बाद केला.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
