बेळगाव : कर्नाटक-महाराष्ट्र येथे आयोजित केलेल्या बैलजोडी शर्यतीत धुमाकूळ घालून बेकिनकेरी गावाचे नाव उज्ज्वल केलेला पिंट्याचे मंगळवार दि. 1 रोजी हृदयविकाराने निधन झाले. बेकिनकेरी येथील पुंडलिक सावंत यांची बैलजोडी पिंट्या व लक्ष्या यांनी गेली अनेक वर्षे कर्नाटक-महाराष्ट्रात आयोजित केलेल्या बैलजोडी शर्यतीत भाग घेऊन आपले नाव उज्ज्वल केले होते. या जोडीने बेळगुंदी, कुद्रेमनी, अतीवाड, गजलगाव, अनगोळ, वडगाव, मोदेकोप, सलामवाडी, अडकूर, अलबादेवी, तुरकेवाडी येथील शैर्यतीत भाग घेऊन प्रत्येक शर्यतीत आपला नंबर पटकावित नाव गाजविले होते. त्याचप्रमाणे पिंट्या याला विविध शर्यतींसाठी परगावी जात होते. पण मंगळवारी शर्यतीच्या तयारीसाठी जात असताना पिंट्या वाटेतच हृदयविकाराने जमिनीवर कोसळला. उपचारासाठी प्रयत्न केले असता त्याच ठिकाणी त्याचे निधन झाले. ही वार्ता समजताच शेतकरी बंधूंमधून दुखवटा प्रकट करुन त्याच्यावर अंत्यविधी करुन श्रद्धांजली वाहण्यात आली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
