नागपूर, प्रतिनिधी
कुख्यात गॅंगस्टर अरुण गवळीची नागपूरच्या मध्यवर्ती तुरुगातून जामीनावर सुटका झाली आहे. नागपूर पोलिसांनी सुरक्षा व्यवस्थेत अऊण गवळी याला नागपूरच्या डॉ. बाबासाहेब आंबेडकर विमानतळ पर्यंत आणल अन् त्याला विमानाने मुंबईला पाठविले. मुंबईत 2007 मध्ये शिवसेना नगरसेवक कमलाकर जामसांडेकर हत्येप्रकरणी जन्मठेपेची शिक्षा भोगत असलेला कुख्यात गुंड डॅडी उर्फ अऊण गवळी याला सर्वोच्च न्यायालयाने गुऊवारी जामीन मंजूर केला होता.
नागपूर मध्यवर्ती कारागफहात शिक्षा भोगणारा गवळी मागील 18 वर्षांपासून जामिनासाठी प्रयत्न करत होता. जामसांडेकर यांची घाटकोपर येथे त्यांच्या निवासस्थानी भरदिवसा हत्या करण्यात आली होती. या प्रकरणात 18 वर्षानंतर अऊण गवळी याला जामीन मंजूर करण्यात आल्याने त्याच्या सुटकेचा मार्ग मोकळा झाला.
सर्वोच्च न्यायालयाने जामीन मंजूर केला असला तरी त्यासंदर्भातील अटी-शर्ती सत्र न्यायालय निश्चित करेल असे स्पष्ट केले होते. त्यामुळे मुंबई सत्र न्यायालयातून अट-शर्ती निश्चित झाल्यावर जामिनासंदर्भात ऑर्डर जारी झाली. त्याची प्रत नागपूर मध्यवर्ती कारागफहात आल्यानंतर बुधवारी अऊण गवळीची सुटका करण्यात आली आहे.
