बेळगाव : पदवीपूर्व शिक्षण खाते व भरतेश पीयुसी कॉलेज आयोजित बेळगाव तालुकास्तरीय पीयु कॉलेज क्रीडा स्पर्धांना उत्साहात प्रारंभ झाला. जिल्हा क्रीडांगणावरती झालेल्या उद्घाटनप्रसंगी प्रमुख पाहुणे म्हणून पदवीपूर्व शिक्षण खात्याचे उपसंचालक एम. एम. कांबळे, संस्थेचे सचिव विनोद दोड्डण्णवर, जी. एन. पाटील, प्रभू शिवनायकर, भरतेश कॉलेजचे प्राचार्य बी. एल. कोंडुसकर, संजय शिरगुप्पी, हर्षवर्धन शिंगाडे आदी मान्यवर उपस्थित होते. प्रारंभी मान्यवरांच्या हस्ते क्रीडाध्वजारोहण करण्यात आले. तालुक्यातील संघांनी पथसंचलन करून पाहुण्यांना मानवंदना दिली. या खेळाडूंनी मैदानाभोवती क्रीडाज्योत फिरवून पाहुण्यांकडे सुपूर्द केली. संगीताने सर्व खेळाडूंना शपथ दिली. भरतेशच्या प्राचार्य डॉ. दिप्ती कुलकर्णी यांनी उपस्थितांचे स्वागत केले तर शिवलिला बेल्लद हिने उपस्थितांची ओळख करून दिली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
