बेळगाव : सार्वजनिक शिक्षण खात्यातर्फे घेण्यात आलेल्या बेळगाव तालुकास्तरीय 14 वर्षाखालील प्राथमिक विभागीय क्रिकेट संघाची निवड करण्यात आली आहे. हा संघ जिल्हास्तरीय क्रिकेट स्पर्धेसाठी पात्र ठरला आहे. सेंट मेरीज संघाच्या मैदानावर घेण्यात आलेल्या या निवड चाचणीत चव्हाट गल्ली, फुलबाग गल्ली, टिळकवाडी, शहापूर, अनगोळ क्लस्टर, वडगाव-खासबाग क्लस्टर या चार क्लस्टरमधून जवळपास 150 क्रिकेटपटूंनी भाग घेतला होता. त्यामध्ये केदारलिंग शंभूचे (चिटणीस), सुरज तिउरकर (सेंट मेरीज), शुभम कटकोळ (वनिता विद्यालय), शिवम कंग्राळकर (वनिता विद्यालय), पार्थ मग्गावी (सेंट मेरीज), आरुष काळभैरव, परिक्षीत वांडकर (दोघेही सेंट झेवियर्स), सिद्धांत किंचन्नावर (चिटणीस), अब्बास किल्लेदार (वनिता कन्नड), लक्ष कोटियान (हेरवाडकर), अर्जुन येळ्ळूरकर (सेंट मेरीज), इम्तियाज मंडल (प्रेसियस ब्लॉसम), अवनीश हट्टीकर (ओरिएंटल), आरुष तेंडुलकर (ओरिएंटल) तर समर्थ प्रधान, इंधर प्रजापत, वेदांत दुधाणी, तनिष्क वेर्णेकर यांची राखीव यादीत निवड झाली आहे. या निवड चाचणीत परीक्षक म्हणून विवेक पाटील, बापू देसाई, नागराज भगवंतण्णवर आदींनी काम पाहिले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
