उद्धव बाळासाहेब ठाकरे शिवसेनातर्फे शैक्षणिक साहित्य वाटप

बेळगाव : उद्धव बाळासाहेब ठाकरे शिवसेना (सीमाभाग) पक्षातर्फे 59 व्या शिवसेना वर्धापन दिनानिमित्त सरकारी उच्च प्राथमिक मराठी मुलींची शाळा क्र. 5, वडगाव येथे शैक्षणिक साहित्य वाटपाचा कार्यक्रम दि. 19 रोजी दुपारी 12 वाजता पार पडला. वह्या, कंपास, पेन्सील बॉक्स व मिठाई पहिली ते सातवीपर्यंतच्या 160 विद्यार्थिनींना वाटप करण्यात आली. यावेळी शिवसेनेचे उपजिल्हा प्रमुख बंडू केरवाडकर यांनी शिवसेनेबद्दल मराठी प्रेम किती आहे आणि पक्षाची शिस्त काय आहे, याबद्दल माहिती दिली. यानंतर कार्यक्रमाला सुरुवात करण्यात आली. याप्रसंगी सहसंपर्क प्रमुख अरविंद नागनुरी, उपशहर प्रमुख राजू तुडयेकर, उपशहर प्रमुख प्रवीण तेजम, युवा सेनेचे विनायक हुलजी, चेतन गंगधर, प्रदीप सुतार, अमर कडगावकर, आनंद गोंधळी, प्रतिक देसूरकर, सक्षम कंग्राळकर, अवधूत कंग्राळकर, मल्हारी पावशे, प्रकाश हेब्बाजी, मयुरेश काकतकर उपस्थित होते. शाळेचे शिक्षक नितीन बेनके यांनी स्वागत केले. आभार वैशाली पाटील यांनी मानले. विद्यार्थिनींना एकूण 600 वह्या, 150 कंपास, 25 बॉक्स पेन्सील व मिठाई देण्यात आली.