उचगाव : उचगाव पंचक्रोशीतील आणि या भागातील जागृत देवस्थान म्हणून मळेकरणी देवीचा महिमा आहे. सप्ताह उत्सवाला शुक्रवारी 14 मार्चपासून प्रारंभ झाला आहे. पहाटे पाच वाजल्यापासून मळेकरणी देवीच्या आमराईतील विविध मंदिरांतून पूजा, अभिषेक करून मुख्य मळेकरणी देवीच्या मंदिरामध्ये अभिषेक, पूजा आणि सूर्योदयाला महाआरती करून मोठ्या उत्साही वातावरणात या सप्ताह उत्सवाला प्रारंभ झाला. या महाआरतीला उचगाव पंचक्रोशीतील हजारो भाविकांनी पहाटे सहा वाजल्यापासूनच गर्दी केली होती. हजारोच्या संख्येने उपस्थित राहून या महाआरतीचा सर्वांनी लाभ घेतला. यावेळी उचगाव ग्रामपंचायतीच्या अध्यक्षा मथुरा तेरसे, उपाध्यक्ष बाळकृष्ण तेरसे, बुडाचे माजी अध्यक्ष युवराज कदम तसेच त्यांच्या सौभाग्यवती नंदा कदम, मार्कंडेय सहकारी साखर कारखान्याच्या माजी संचालिका नीलिमा पावशे, तालुका म. ए. समितीचे सरचिटणीस मनोज पावशे यासह अनेक मान्यवर मंडळी या पहिल्या आरतीला उपस्थित होते. त्यांच्या हस्ते मळेकरणी देवीचे पूजन करण्यात आले. यावेळी बाळासाहेब देसाई यांनी उपस्थितांचे स्वागत केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
