म्हापसा : शिवोली येथील तलाशा बार अॅन्ड रेस्टॉरन्टमध्ये दोघा पर्यटकांना जबर मारहाण करून त्यांना लुबाडल्याप्रकरणी हणजूण पोलिसांनी दोघा संशयितांना अटक केली असून प्रवीण पथरुड, राहणारा आगारवाडा पेडणे व जलील अहम्मद अशी संशयितांची नावे आहेत. राज्यात सध्या पर्यटकांना मारहाण करण्याच्या संख्येत दिवसेंदिवस वाढ होत चालली आहे. मुख्यमंत्र्यांनी याची गंभीर दाखल घेत यापुढे पर्यटकांना मारहाण झाल्यास पब मालकांस जबाबदार धरून त्याचा परवाना रद्द केला जाईल, अशी घोषण केली होती. याबाबत पर्यटक शैलेश झा (वय 32) रा. बेंगलोर कर्नाटक यांनी हणजूण पोलीस स्थानकात तक्रार दिल्यावर निरीक्षक प्रशाल देसाई यांनी याबाबत ठोस पावले उचलली. पार्किंगमध्ये कार पुढे जात असताना पार्क केलेल्या स्कुटरला कारने धडक दिल्यावर संशयितानी पर्यटक शैलेश झा यांना जबर मारहाण केली. तसेच त्याचे मित्र महम्मद फारूख यालाही मारहाण केली. याबाबत हणजूण पोलिसांनी गुन्हा नोंद केला व संशयितांना अटक केली. उपअधीक्षक जिवबा दळवी यांच्या मार्गदर्शनाखाली पोलीस निरीक्षक प्रशल देसाई अधिक तपास करीत आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
