टीव्हीएस ज्युपिटर 125 स्कूटरचे हाय-टेक मोटार्स येथे लोकार्पण

बेळगाव : पी. बी. रोड येथील हाय-टेक मोटार्स अॅण्ड ऑटोमोबाईल्स प्रा. लि., बेळगाव येथे टीव्हीएस ज्युपिटर 125 या नव्या मॉडेलच्या स्कूटरचे लोकार्पण एका खास समारंभात पार पडले. कार्यक्रमाची सुरुवात हाय-टेक मोटार्सचे संचालक श्री. विनय बाळीकाई यांच्या स्वागतपर भाषणाने झाली. यानंतर हाय-टेक मोटार्सचे संचालक श्री. राजेश भोसगी यांनी टीव्हीएस ज्युपिटर 125 या स्कूटरच्या वैशिष्ट्यांची माहिती दिली. या स्कूटरमध्ये मेटल बॉडी, वाइड एलसीडी डिस्प्ले, कमी आवाज निर्माण करणारी तंत्रज्ञान, ड्युअल टोन सीट कव्हर, 12 इंच अलॉय व्हील्स, एसबीटी ब्रेक्स, मोठं बूट स्पेस आणि रुंद फूटरेस्ट, प्रगत सुरक्षा यंत्रणा तसेच 125 सीसी सेगमेंटमध्ये सर्वोत्तम मायलेज  देणारी स्कूटर आहे. यामुळे ही स्कूटर 125 सीसी श्रेणीत ‘मॉस्ट व्हॅल्यू फॉर मनी‘ ठरत आहे. या गाडीचे पहिले खरेदीदार म्हणून श्री. विश्वनाथ मिस्किन आणि श्री. पवन मिस्किन यांना चाव्या दिल्या. कार्यक्रमाला मोठ्या संख्येने ग्राहक, हितचिंतक, आणि सोशल मीडिया इन्फ्लुएन्सर्स यांची उपस्थिती होती. शेवटी श्री. बसवराज तंगडी आणि श्री. राजेंद्र देसाई, हायटेक मोटार्सचे संचालक यांनी उपस्थितांचे आभार मानले.