बेळगाव : पालकमंत्री सतीश जारकीहोळी यांना समाजमाध्यमावर शिवीगाळ करणाऱ्या तुमकूर येथील युवकाला मार्केट पोलिसांनी बुधवारी अटक केली आहे. न्यायालयाच्या आदेशावरून त्याची रवानगी न्यायालयीन कोठडीत करण्यात आली आहे. मोहित नरसिंहमूर्ती (वय 38) राहणार विद्यानगर-तुमकूर असे त्याचे नाव आहे. यासंबंधी 29 नोव्हेंबर रोजी विजय तळवार, रा. भाग्यनगर यांनी दिलेल्या फिर्यादीवरून मार्केट पोलीस स्थानकात एफआयआर दाखल करण्यात आला होता. पोलिसांनी संबंधिताला अटक केली आहे. बुधवारी मार्केटचे एसीपी संतोष सत्यनायक व त्यांच्या सहकाऱ्यांनी मोहितला न्यायालयासमोर हजर केले. न्यायालयाच्या आदेशावरून त्याची रवानगी हिंडलगा येथील मध्यवर्ती कारागृहात करण्यात आली. पालकमंत्र्यांविरुद्ध आक्षेपार्ह व अर्वाच्य शिवीगाळ केल्यामुळे ही कारवाई केली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
