सावंतवाडी/ प्रतिनिधी
सावंतवाडीचा आठवडा बाजार मंगळवारपासून शासकीय गोदामाच्या परिसरात भरविण्यात येणार आहे .नगरपरिषद प्रशासनाने हा परिसर स्वच्छ करून सोमवारी जागेची आखणी केली. गेले अनेक दिवस तलावाकाठी भरणारा आठवडा बाजार हलवण्यावरून मतभेद होते. मात्र अखेर हॉकर्स युनियन, व्यापारी, नगरपरिषद प्रशासन ,शासकीय अधिकारी यांच्यात एकमत होऊन आठवडा बाजार शासकीय गोदाम येथे भरवण्याचे निश्चित झाले .त्यानुसार मंगळवारपासून आठवडा बाजार शासकीय गोदामाच्या परिसरात भरणार आहे.
