राज्य ऑलिम्पिकमध्ये त्रिवेणीला रौप्य

बेळगाव : मंगळूर व उडपी येथे कर्नाटक राज्य ऑलिम्पिक गेम्स, युवा सबलीकरण व क्रीडा खाते कर्नाटक सरकार, कर्नाटक ऑलिम्पिक संस्था, उडपी आणि मंगळूर जिल्हा प्रशासनचे संयुक्त विद्यमाने तायक्वॉदो स्पर्धेत त्रिवेणी भडकन्नावर रौप्य पदक पटकावित यश संपादन केले आहे. मंगळूर व उडपी या क्रीडा महोत्सवात तायक्वॉदो स्पर्धा राज्य सरकारी कर्मचारी सभाभवन मंगळूर येथे घेण्यात आल्या. या स्पर्धेत महिलांच्या विभागात 49 किलो वजनी गटात राव युवा अॅकॅडमीची काकती येथील त्रिवेणी भावकन्ना भडकन्नावरने अतुलनीय कामगिरी दाखवून बेळगाव जिह्याला रौप्य पदक मिळवून दिले. हा बेळगावचे खेळाडू तसेच तायक्वॉदो तांत्रिक अधिकाऱ्यांना आंतरराष्ट्रीय तायक्वॉदो प्रशिक्षक व यक्षित युवा फाउंडेशनचे अध्यक्ष तायक्वॉदो मास्टर श्रीपाद रवी राव यांचे  मोलाचे मार्गदर्शन लाभात आहे. बेळगाव जिल्हा तायक्वॉदो असोसिएशनचे अध्यक्ष आंतरराष्ट्रीय पंच महादेव मुत्नाळे व सरचिटणीस अॅड. प्रभाकर दिलीपकुमार शेडबळे यांचे प्रोत्साहान लाभत आहे.