लोंडा-वास्को मार्गावरील घटना : रेल्वे कर्मचाऱयांनी हटविला वृक्ष
प्रतिनिधी/ लोंढा
लोंडा-वास्को लोहमार्गावर कालेनजीक कोसळलेला वृक्ष हटविण्यात आला आहे. दरम्यान आज पहाटेच्या सुमारास वृक्ष कोसळल्याने रेल्वे वाहतुकीवरही परिणाम झाला होता.
सकाळच्या सत्रातील रेल्वे विलंबाने धावल्यामुळे वेळापत्रकही विस्कळीत झाले होते. त्यामुळे या मार्गावर प्रवास करणाऱया प्रवाशांना त्रास सहन करावा लागला.
सकाळी रेल्वे कर्मचाऱयांनी वृक्ष हटविल्याने वाहतुक पूर्ववत झाली. पावसाला सुरूवात झाल्यावर कॅसरलॉक पासून पुढे दरड कोसळणे अथवा वृक्ष कोसळण्याचे प्रकार वारंवार घडत आहेत.
