बेळगाव : कर्मचाऱ्यांना भविष्य निर्वाह निधी द्या, निवृत्ती कर्मचाऱ्यांना सुविधा पुरवा, कर्मचाऱ्यांच्या आरोग्यासाठी निधी पुरवा, कर्मचाऱ्यांना महागाई भत्ता द्या आदी मागण्यांसाठी सोमवारी परिवहन महामंडळाच्या कर्मचारी संघटनेतर्फे विधानसौध परिसरात आंदोलन छेडण्यात आले. परिवहन महामंडळ कर्मचारी संघटना आणि कृती समितीतर्फे जानेवारी 2024 मध्ये विविध मागण्या करण्यात आल्या होत्या. दरम्यान, परिवहन मंत्र्यांनी मागण्या मान्य करण्याचे आश्वासन दिले होते. याबाबत मुख्यमंत्री आणि परिवहन विभागाच्या अधिकाऱ्यांबरोबर बैठकाही झाल्या आहेत. दरम्यान, प्रवासी तिकिट दरवाढ करण्याचा प्रस्ताव ठेवला आहे. त्यानंतर कर्मचाऱ्यांच्या मागण्या पूर्ण होतील असे सांगण्यात आले होते. मात्र कर्मचाऱ्यांना विविध सोयी-सुविधांपासून वंचित रहावे लागत असल्याची खंत कर्मचाऱ्यांनी व्यक्त केली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
