पणजी : पोलीस प्रशासनात मोठे बदल करण्यात आले असून एकूण 22 पोलीस निरीक्षकांच्या बदल्या झाल्या आहेत. पेडणे, कळंगूट, वेर्णा, फोंडा, डिचोली येथील पोलीस निरीक्षकांना कमी महत्त्व असलेल्या ठिकाणी पाठवण्यात आले आहे. दत्तगुरू सावंत यांना कळंगूट येथून पणजी-सुरक्षा युनिटमध्ये नेण्यात आले आहे. पणजी मुख्यालयातील सचिन लोकरे यांना पेडणे येथे पाठवण्यात आले आहे. परेश नाईक यांची म्हापसा येथून कळंगुटला बदली करण्यात आली आहे. डायगो ग्रासियस यांची वेर्णातून पोलीस मुख्यालयात पाठवणी करण्यात आली आहे. फोंडा येथील राजेश पिल्लई यांना एएनसीमध्ये नेण्यात आले आहे. दीपक पेडणेकर यांना केपेतून बेतुल येथे पाठवण्यात आले आहे. विकास देयकर यांची कुडचडेतून रायबंदर-क्राईम शाखेत बदली केली आहे. डिचोली येथून सुरज गवस यांना पोलीस मुख्यालयात नेण्यात आले आहे. रिमा नाईक यांना सायबरमधून पणजी महिला पोलीस स्थानकात पाठवले आहे. सिताकांत नाईक यांच्याकडे म्हापसा पोलीस स्थानकाची जबाबदारी देण्यात आली असून राहूल नाईक यांना डिचोली पोलीस स्थानकाचा भार सोपवण्यात आला आहे. तुषार लोटलीकर यांना म्हापसा येथून फोंडा येथे नेण्यात आले आहे. पोलीस प्रशासनात सुधारणा करण्यासाठी कार्यक्षमता वाढवावी म्हणून हे फेरबदल केल्याचे सांगण्यात आले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
