कोल्हापूर :
रेल्वे प्रशासनाने कोल्हापुरातून सुटणाऱ्या 11 आणि इतर ठिकाणाहून कोल्हापुरात येणाऱ्या 4 रेल्वेच्या वेळेमध्ये बदल केला. बुधवारपासून याची अंमलबजावणी होणार आहे. बदलेल्या वेळेनुसार आता प्रवाशांना रेल्वे स्थानकावर यावे लागणार आहे. मध्य रेल्वे प्रशासनाने काही रेल्वेच्या वेळेत बदल केले आहेत. कोल्हापूर प्रवासी संघटनेच्या मागणीनुसार यापैकी सातारा-कोल्हापूर रेल्वेच्या वेळेत बदल झाला आहे. ही रेल्वे आता प्रवाशांच्या मागणीनुसार सकाळी 10 ऐवजी 9.30 वाजता कोल्हापुरात येणार आहे. याचबरोबर कोल्हापूर-पुणे डेमू पहाटे 5.10 वाजता, कोयना एक्स्प्रेस सकाळी 8.25 वाजता, हजरत निझामुद्दीन एक्स्प्रेस सकाळी 9.35, कोल्हापूर-मिरज डेमू सकाळी 10.25, कोल्हापूर-तिरूपती सकाळी 11.45, कोल्हापूर अहमदाबाद दुपारी 1.30, महाराष्ट्र एक्स्प्रेस दुपारी 2.50, कलबुर्गी एक्स्प्रेस 3.05, कोल्हापूर-सांगली डेमू सायंकाळी 7.40 सायंकाळी 7.35, महालक्ष्मी एक्स्प्रेस रात्री 8.55 वाजता सुटणार आहे.
