ऑनलाईन टीम / तरुण भारत :
मध्य रेल्वेवर आजपासून 27 तासांचा मेगाब्लॉक घेण्यात येणार आहे. त्यामुळे आजपासून सोमवारपर्यंत (19 ते 21 नोव्हेंबर) पुण्याहून मुंबईकडे जाणाऱ्या बहुतांश गाड्या रद्द करण्यात आल्या आहेत. यात डेक्कन, इंटरसिटी एक्स्प्रेस, सिंहगड एक्स्प्रेससारख्या महत्त्वाच्या रेल्वे गाड्यांचा समावेश आहे.
पुणे रेल्वे विभागाचे वरिष्ठ विभागीय व्यावसायिक व्यवस्थापक डॉ. मिलिंद हिरवे म्हणाले, मेगाब्लॉकमुळे मुंबई-पुणे मार्गावरुन प्रवास करणाऱ्या प्रवाशांची होणारी गैरसोय लक्षात घेऊन रेल्वे प्रशासनाने पुणे स्थानकावर अतिरिक्त कर्मचाऱ्यांची नियुक्ती केली आहे. प्रवाशांना मार्गदर्शन करण्यासाठी 24 तास हेल्प डेस्कही सुरू करण्यात आला आहे. प्रवाशांना दादर, कल्याणला इतर गाड्यांमधून जायचे असल्यास त्यांना इतर गाड्यांमधून प्रवास करण्याची मुभा देण्यात आली आहे. प्रवाशांनी मागणी केल्यास त्यांना एसटीने मुंबईला पाठवण्याचे नियोजनही रेल्वेने केले आहे.
रद्द केलेल्या गाड्या
19 नोव्हेंबरला पुणे विभागातील रद्द गाड्या : पुणे-मुंबई इंटरसिटी एक्स्प्रेस, हैदराबाद-मुंबई हुसैन सागर एक्स्प्रेस, कोल्हापूर-मुंबई महालक्ष्मी एक्स्प्रेस.
पुण्यापर्यंतच धावणाऱ्या गाड्या : गदग-मुंबई एक्स्प्रेस, सोलापूर-मुंबई सिद्धेश्वर एक्स्प्रेस, तिरुवनंतपुरम-मुंबई एक्स्प्रेस, बंगळुरु-मुंबई उद्यान एक्स्प्रेस, कोल्हापूर-मुंबई कोयना एक्स्प्रेस.
दादरवरून सुटणाऱ्या गाड्या : पुणे-मुंबई इंद्रायणी एक्स्प्रेस, चेन्नई-सेंट्रल-मुंबई एक्स्प्रेस, बिदर-मुंबई एक्स्प्रेस, हैदराबाद-मुंबई एक्स्प्रेस. (20 नोव्हेंबरला पुणे-मुंबई इंद्रायणी एक्स्प्रेस दादरपर्यंतच धावेल)
20 नोव्हेंबरला पुणे-मुंबई दरम्यानच्या रद्द गाड्या : पुणे इंटरसिटी एक्स्प्रेस, मुंबई-पुणे डेक्कन एक्स्प्रेस, मुंबई-पुणे सिंहगड एक्स्प्रेस, मुंबई-पुणे प्रगती एक्स्प्रेस, मुंबई-पुणे डेक्कन क्वीन, पुणे-मुंबई सिंहगड एक्स्प्रेस, पुणे-मुंबई डेक्कन क्वीन, पुणे-मुंबई प्रगती एक्स्प्रेस, पुणे-मुंबई डेक्कन एक्स्प्रेस, पुणे-मुंबई प्रगती एक्स्प्रेस. मुंबई-हैदराबाद हुसैन सागर एक्स्प्रेस.
दादरवरून सुटणाऱ्या गाड्या : मुंबई-चेन्नई एक्स्प्रेस (19 नोव्हेंबर), मुंबई-पुणे इंद्रायणी एक्स्प्रेस, मुंबई-भुवनेश्वर कोणार्क एक्स्प्रेस, मुंबई-हैदराबाद एक्स्प्रेस, मुंबई-चेन्नई एग्मोर एक्स्प्रेस.
पुण्याहून सुटणाऱ्या गाड्या : मुंबई-बंगळुरु उद्यान एक्स्प्रेस, मुंबई-कोल्हापूर कोयना एक्स्प्रेस, मुंबई-तिरुवनंतपुरम एक्स्प्रेस, मुंबई-गदग एक्स्प्रेस, मुंबई-सोलापूर सिद्धेश्वर एक्स्प्रेस.
सोमवारी धावणारी मुंबई – पुणे इंटरसिटी एक्स्प्रेस (12127) रद्द झाली आहे.
