टायगर अन् क्रीति सेनॉनचा चित्रपट
विकास बहल दिग्दर्शित ‘गणपत’ चित्रपटाचा ट्रेलर प्रदर्शित करण्यात आला आहे. टायगर श्रॉफ आणि क्रीति सेनॉनसोबत या चित्रपटात अमिताभ बच्चन महत्त्वाच्या भूमिकेत आहेत. 20 ऑक्टोबर रोजी हा चित्रपट हिंदीसोबत तेलगू, तमिळ, मल्याळी आणि कन्नड भाषेत प्रदर्शित होणार आहे. अॅक्शन थ्रिलरपट असलेल्या या चित्रपटात टायगर हा गु•t आणि गणपत या व्यक्तिरेखा साकारत सूड उगविणार आहे.
ट्रेलरच्या प्रांरभी ‘एक दिवस असा योद्धा जन्माला येईल जो अमर असेल, तो श्रीमंत आणि गरीबांमधील भिंत पाडेल, तो योद्धा मरणार नाही तर मारणार’ अशा आशयाचा डायलॉग आहे. या ट्रेलरमध्ये क्रीति सेनॉन देखील अॅक्शनसोबत धमाकेदार एंट्री करताना दिसून येते.
या चित्रपटात अमिताभ बच्चन हे अत्यंत वेगळ्या अवतारात दिसून येत आहेत. पगडी आणि चष्मा परिधान केलेला आणि एक डोळा झाकलेल्या स्थितीत ते ट्रेलरमध्ये दिसून आले आहेत. या चित्रपटात व्हीएफएक्सचा मोठ्या प्रमाणावर वापर करण्यात आला आहे. अलिकडेच या चित्रपटाचा एक ट्रॅक प्रदर्शित करण्यात आला होता. हीरोपंती नंतर क्रीति आणि टायगरची जोडी पुन्हा मोठ्या पडद्यावर दिसून येणार आहे. दसऱ्यावेळी हा चित्रपट प्रदर्शित होणार आहे. या चित्रपटाला कंगना रनौतचा ‘तेजस’ आणि दिव्या खोसलाचा ‘यारियां 2’ आणि ‘प्यार है तो है’ या चित्रपटासोबत स्पर्धा करावी लागणार आहे.
