बेळगाव : शहरात सर्वत्र वाहतूक कोंडी झाल्याने वाहनचालकांना याचा सामना करावा लागला. सोमवारी मुतगा येथे शेतकऱ्यांचे आंदोलन असल्यामुळे वाहतूक वळविण्यात आली होती. त्यामुळे इतर मार्गांवर गर्दी वाढल्याने शहराच्या उत्तर भागात वाहतूक कोंडी झाल्याचे दिसून आले. यामुळे वाहनांच्या लांबच लांब रांगा लागल्या होत्या. सोमवारी शहरात विविध कार्यक्रम असल्याने वाहतूक वळविण्यात आली होती. सकाळी मुतगा येथे रिंगरोडविरोधात मोठे आंदोलन झाले. यामुळे सांबरा रोडवरून सुरू असणारी वाहतूक किल्ला येथून वळविण्यात आली. तसेच चन्नम्मा चौकात काही संघटनांनी आंदोलन केल्याने वाहतूक कोंडीचा प्रश्न निर्माण झाला होता. किल्ला येथून सांबरा रोडवरील वाहतूक इतर मार्गाने वळविण्यात आल्याने प्रचंड वाहतूक कोंडी झाली होती. सुमारे तासभर वाहनांच्या रांगा लागल्याने वाहनचालकांमधून नाराजी व्यक्त करण्यात येत होती. आठवड्याचा पहिलाच दिवस असल्याने प्रत्येकाला घाई होती. परंतु कोंडीमुळे तासन्तास अडकून पडावे लागले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
