जायंट्स मेनतर्फे वाहतुकीसाठी जागृती फलक

बेळगाव : जायंट्स मेनच्यावतीने दुसरे रेल्वेगेट व कपिलेश्वर उ•ाणपुलाच्या दोन्ही बाजूंना जागृती फलक लावण्यात आले. शहराच्या अनेक भागात वाहनचालक चुकीच्या पद्धतीने वाहन चालवित असल्याने नागरिकांमध्ये जागृती व्हावी, या उद्देशाने हे फलक लावण्यात आले आहेत. नागरिकांनी शहरातील वाहतूक कोंडी टाळण्यासाठी रहदारी नियमांचे पालन करावे, असे आवाहन जायंट्स मेनतर्फे करण्यात आले आहे. उपाध्यक्ष अविनाश पाटील आणि सुनील चौगुले यांनी फलक उभारणीसाठी अर्थसाहाय्य केले. यावेळी अध्यक्ष सुनील मुतगेकर, सचिव लक्ष्मण शिंदे, मदन बामणे, सुनील भोसले, विनय बन्सूर, पांडुरंग पालेकर, महेश रेडेकर, अरुण काळे, पुंडलिक पावशे यांच्यासह इतर सदस्य उपस्थित होते. दोन दिवसांपूर्वी किल्ला तलावात आत्महत्या करण्यासाठी उडी घेतलेल्या महिलेचे प्राण रहदारी पोलिसाने आपल्या जीवाची पर्वा न करता वाचविले होते. या निमित्त वाहतूक विभागातील पोलीस कर्मचारी काशिनाथ इरगार यांचा जायंट्स मेनतर्फे सत्कार करण्यात आला. अध्यक्ष सुनील मुतगेकर व माजी अध्यक्ष शिवकुमार हिरेमठ यांच्या हस्ते शाल, स्मृतिचिन्ह व गुलाब पुष्प देऊन त्यांचा सत्कार करण्यात आला.