ऑनलाईन टीम/तरुण भारत
‘काली’ या माहितीपटाचे पोस्टर आणि टीएमसी खासदार महुआ मोईत्रा (MP Mahua Moitra) यांच्या वक्तव्यावरून वाद वाढत आहे. महुआ मोईत्रा यांच्या वक्तव्यानंतर त्यांना चांगलेच घेरले आहे. भाजपने पश्चिम बंगालमधील (West Bengal) सत्ताधारी पक्ष टीएमसीवर काली दोवीचा अपमान केल्याचा आरोप केला आहे. महुआ मोईत्रा यांच्यावर दिल्ली, उत्तर प्रदेशसह अनेक राज्यांत त्यांच्यावर गुन्हे दाखल झाले. आता धार्मिक भावना दुखावल्याप्रकरणी मोईत्रा यांच्यावर मध्य प्रदेशात गुन्हा दाखल करण्यात आला आहे. तर टीएमसी खासदार महुआ मोइत्रा यांना तात्काळ अटक करण्यासाठी भाजपने तक्रार (BJP) दाखल केली आहे.
काय म्हणाल्या मोईत्रा –
मोईत्रा यांनी मंगळवारी India Today Conclave East 2022 मध्ये हजेरी लावली होती. यादरम्यान त्यांनी कालीच्या पोस्टरवरून सुरू असलेल्या वादावर म्हटले होते की, कालीची अनेक रूप आहे. माझ्यासाठी काली म्हणजे मांस आणि वाइन स्वीकारणारी देवी. मात्र, टीएमसीने या विधानापासून दूर राहून त्याचा निषेध केला.
हे ही वाचा : पंजाबचे मुख्यमंत्री भगवंत मान दुसऱ्यांदा बांधणार लग्नगाठ
भाजपची तक्रार –
महुआच्या या वक्तव्यावर बंगाल भाजपने आघाडी उघडली आहे. भाजप नेते राजर्षी लाहिरी यांनी कोलकाता येथील रवींद्र सरोबार पोलिस ठाण्यात तक्रार दाखल केली आहे. या तक्रारीत महुआ मोइत्रा यांनी एका कार्यक्रमात काली ही देवी आहे जी मांस आणि मद्य स्वीकारते. मोइत्रा यांनी मुद्दाम आमच्या धर्म आणि धार्मिक श्रद्धांबद्दल हे विधान केले आहे, असे म्हंटले आहे.
महुआ मोईत्राच्या वक्तव्यानंतर टीएमसीने यावर स्पष्टीकरण दिल आहे. टीएमसी ने महुआ मोईत्रा यांचे हे वैयक्तिक विधान आहे. त्याचा पक्षाशी काहीही संबंध नाही, असे म्हटले होते. महुआवर मंगळवारी दिल्ली आणि उत्तर प्रदेशमध्ये गुन्हा दाखल करण्यात आला. तर बंगाल भाजपने महुआ मोईत्रा यांची पक्षातून हकालपट्टी न केल्यास आंदोलन करण्याचा इशारा दिला आहे.
हे ही वाचा: ड्रायव्हिंग लायसन्ससाठी केंद्राची नवी नियमावली जारी
